ZEEST KI BISAAT (FOR MY READERS WHO CAN NOT READ URDU)

Zeest ki Bisaat

 

 Zeest ki bisaat par khaate rahe yun maat hum

Ke dunya waalon ki tarah jeena humein na aayeiga!

 

Kis ko humari chah hai, kis ko dikhaayein naaz hum

Jo rooth jaayein hum kabhee, kon humein munaayeiga?

 

Kis ko bataoon mein yahaan, is dil pe kitne zakhm hain

Hai kon charagar mera, kon marhum lagaaeiga?

Raah e wafa kaisi ajab, raahi bhee hum raahbar bhee hum

Bhatak gaye jo hum kabhee, saheeh raah kon dikhaayeiga?

 

Marne ke baad jab kaheen, zikr jo chir gaya mera

Mera khayaal dil pe tere eik bojh saa ban jaayeiga!

 

Anakahi see eik baat sunne ko muntazir hoon mein

Guzar gaya jo waqt ye phir laut kar naa aayeiga!

ZEEST KI BISAAT!

Zeest ki Bisaat

Zeest ki bisaat par khaate rahe yun maat hum

Ke dunya waalon ki tarah jeena humein na aayeiga

 

Kis ko humari chah hai, kis ko dikhaayein naaz hum

Jo rooth jaayein hum kabhee, kon humein munaayeiga

 

Kis ko bataoon mein yahaan, is dil pe kitne zakhm hain

Hai kon charagar mera, kon marhum lagaaeiga

 

Raah e wafa kaisi ajab, raahi bhee hum raahbar bhee hum

Bhatak gaye jo hum kabhee saheeh raah kon dikhaayeiga

 

Marne ke baad jo kabhee, zikr chir gaya mera

Mera khayaal dil pet ere eil bojh saa ban jaayeiga

 

Anakahi see eik baat sunne ko muntazir hoon mein

Guzar gaya jo waqt ye phir laut kar naa aayeiga!

SEEP KHAALI HUMARA MUQADDAR BANE… Ghazal in Roman Urdu


Seep khaali humara muqaddar banei
Aur moti na jaane kahan kho gaye!

Jaagti ankhon se dekhaa tha jin ko kabhee
Wo saare sapne na jaane kahan kho gaye!

Mein wo tasweer hun rang jis mein nahin
Rang dhanak ke na jaane kahan kho gaye!

Itni be-kaif thee daastaan- hayyat
Sunne waale na jaane kahan kho gaye!

Pohonch jaayeinge eik din humein zoum tha
Ruste manzil ke na jaane kahan kho gaye!

GHAZAL FROM ANKAHI BAATEIN…. (For my friends who can not read Urdu)

Phool se khushboo juda hoti hai faqat eik baar
Ye bikharti tou phir se laut kar aati nahin

Aankh se aansoo jo tapka, kya wo daaman karta tar?
Boond se tou pyaas sehra ki kabhee jaati nahin!

Hum tou thei wo zinda-dil ghum pe kabhee rotey na thei
Ab hua hai kya ke khushyon pe hansee aati nahin

Khud hi phoolon ko masal ke hai ye maali ko gila
Mere gulshan mein na jaane kyun bahaar aati nahin!

Khwaab dekhoon tou ho shayad zeest ki kuch talkhee kum
Kya karun pur neend mujh ko raat bhar aati nahin!

Hai jo qismat mein likha wo pura tou hoga zurur
Waqt se pehle tou kisi ko maut bhe aati nahin!