DHOKA!

Image

Aaj ghar jo aaye ho ae dost

Chup chup se yoon kyun bethe ho?

Kuch poochna chahte ho jaise

Aankhon mein kyun hai uljhan si

Kuch poochna chahti hon jaise

Kya khojte ho tum yun har su

Aaj aayo dikhaayum mein khud tum ko

Kya mein ne juma kar rakha hai

Ye dil ke mere tukre hain

Wo kirchi kirchi khwaab mre

Kuch umeedein tooti tooti see

Aur ashkon ki eik mala hai

Wo ashaaon ke hain deep bujhe

Aur yaadon ke bikhre moti hain

Kyun aankh hui purnum teri

Chehra kyun hua ghum se bojhal?

Ye mera qeemti sarmaaya

Jeewan ki kumaai ye meri

Tum ko pasand kya aayi nahin?

Hairat se mujhe kyun takte ho!

Kya khaaya hai dhoka tum ne?

Tum dhoondhne aaye thei khushyaan

Kuch khushkun baatein khushkun lamhe?

Kyun dosh tumhein mein doon ae dost

Dhoka tou mera chehra hai

Rehti hai jis pe jhooti hansi

Dard dil mein chupa ke rakhti hoon

Aaj aayo bataaun mein tum ko

Ye roop kyun mein ne dhaara hai

Hai tabyat meri khuddaar bohat

Hamdardi bheek si lagti hai!

Jab jab ye dunya dukh deti hai

Jab jab mein is pe hansti hoon

Mein bant ti phirti hoon khushyaan

Ghum dil mein chupa ke rakhti hoon

Par dard jab hadd se barh jaata hai

Tou chupke se ro leti hoon!

 

 

 

 

MERE EHSAAS KO SHEESHA NA BANAAYA HOTA!!

My Selection of verses from Urdu Shairi… friends can send in their favourites too, I would be delighted to post in this blog!

Yasmin Elahi

This blog is open to all! Please inbox me (on Facebook) your favourites and I shall keep on updating this blog. Just for the love of Urdu Shairi!!

06-02-2015

Umar-e-rawaan khizaan ki hawa se bhi taiz thi,
Har lamha Barg-e-zard ki soorat bikhar gaya,

Dil mai cheekhte huwe wehmon k bojh se,
Wo khaof tha k raat ko soate mai darr gaya,

Jo baat motbar thi wo sar se guzar gai,
Jo harf sar’sari tha wo dil me utar gaya,

Hum aks-e-khoon-e-dil hi luttatei phirei magar,
Wo shakhs aanso’on ki dhanak mai nikhar gaya,

“Mohsin” ye rang-o-roop ye ronaq baja mgar,
Main zinda kya rahoun ke mera ji tou marr gaya…!

———————————————————————————-

Apnei bhee khafa mujh se haen beigaane bhee nakhush 

Mein zehr- e-halaahal ko kabhee keh naa sakaa qand!

27-04-2014

Yaad rakhna humaari turbat ko

Qarz tum pe hai chaar phhoolon ka!

——————————————————

Hum se taabeer e khwaab poochte…

View original post 1,046 more words

DIL KI AAWAAZ( Nazm in Roman Urdu)

Dard e Dil ko mere kuch dawa chahiye
Eik nigah e karam Ae Khuda chaihye

Raat taareek hai raah dikhti nahin
Kamli Waale ke rukh ki zia chaihye

Askh ankhon se gir gir ke kehte hain ye
Bas humein Daaman e Mustufa(S.A.W) chaihye

Hai safeena mera beech toofan ghira
Ab Muhammad (S.A.W) ko deni sada chaihye

Mile shehr e Madina mein do gaz zameen
Aur hum ghum ke maaron ko kya chaihye

Zeest eik bojh hai hum se uthta nahin
Umr ho mukhtasir ye dua chaihye!

Ye Koi Na Jaane! Ghazal in Roman Urdu

Jo Labb pe hansee hai sab hi dekhte hain
Jo dil pe guzarti hai koi na jaane

Hujum mere gird doston ka hai phir bhee
Mein Tanha hun kitni ye koi na jaane

Tanhai mein aksar hum rote hain kitna
Jab mehfil mein bethein ye koi na jaane

Ye bechein din aur ye bekhwab raatein
Huin kyun muqaddar ye koi na jaane

Thapak ke sulana har nayi aarzu ko
Hai dushwaar kitna ye koi na jaane

Kabhee ye bhee phoolon se zyaada tha naazuk
Hua dil kyun pathar ye koi na jaane!!

یہ کوئی نہ جانے

جو لب پہ ہنسی ہے سب ہی دیکھتے ہیں
جو دل پہ گزرتی ہے کوئی نہ جانے

ہجوم مرے گرد دوستوں کا ہے پھر بھی
میں تنہا ہوں کتنی یہ کوئی نہ جانے

تنہائی میں اکثر ہم روتے ہیں کتنا
جب محفل میں بیٹھیں یہ کوئی نہ جانے

یہ بیچین دن اور یہ بے خواب راتیں
ہوئے کیوں مقدر یہ کوئی نہ جانے

تھپک کہ سلانا ہر نئی آرزو کو
ہے دشوار کتنا یہ کوئی نہ جانے

کبھی یہ بھی پھولوں سے زیادہ تھا نازک
ہوا دل کیوں پتھر یہ کوئی نہ جانے

EIK MEHERBAAN HAI MERA! (For those who can not read Urdu) Nazm from ANKHAI BAATEIN

EIK MEHERBAAN HAI MERA!

Bekhwaab taareek raaton ki tanhai mein

Dard jab hadd se guzar jaata hai

Roshni dur tak nazar aati nahin

Umeed koi bhee bar aati nahin

Eik meherbaan hai mera

Jis ke narm seene mein chupa ke mein chehra apna

Bahaa leti hoon chund aansoo

Aur keh deti hun saare apne dukh such

Par wo ajab dost mera

Karta nahin mujh se koi bhee sawaal

Kehta nahin wo kuch bhee mujh se

Bas baree khamoshi se

Sunta rehta hai mere shikwe saare

Aur apni narm si aaghosh mein

Bohat pyar baree narmee se

Jazb kar leta hai mere saare aansoo

Baant leta hai wo sab bojh

Jo hain dil pe mere

Mera takya jo mera ghumkhwaar bhee hai!

Mera takya jo mera humraaz bhee hai!!

—————————–

 Translation

In the sleepless dark nights of pain and despair, 

When my heartache knows no bounds,

I can not find any light in my path,

Nor do I have any hope left in my heart,

I have a well-wisher,

In whose soft bosom I hide my face,

And shed a few tears,

And share with him my pains and sorrows,

But strangely this old friend of mine,

Never asks me any questions,

Neither does he say anything,

But very queitly,

Listens to all my complaints,

And with great love and care,

Allows all my tears to sink into his soft bosom,

In this manner he shares with me

All the pain my heart is heavy with,

My pillow who shares all my pain and woes

My pillow who is a keeper of all my secrets!

 

 

 

 

GHAZAL FROM ANKAHI BAATEIN…. (For my friends who can not read Urdu) with a crude English translation

Aankh se gir gaye unki nahin qeemat koi

Heere tou wo ansoo hain jin ko pee jaate hain hum

Saath chalne ki hai tamanna, par paaon hain zakhmi mere

Aage nikal jaati hai dunya, peeche reh jaate hain hum

Bas ye mushkil aakhri hai, aage hain aasaanyan

Har nayi mushkil pe youn apne dil ko samjhaate hain hum

Raah e ulfat ke musafir jab bhatakte hain tou unhein

Shummein ashkon ki jala kar raah dikhlaate hain hum

Ghum ko apne saamne dunya ke ruswa kyun karein?

Dil pe jo lagti hain chottein huns ke seh jaate hain hum

Dukh dye to jhelne ki taab bhee Allah ne dee

Har ghari sad shukr Maalik ka baja laate hain hum! 

Translation in English …on the request of fellow blogger Hibiscus Rosa Noor….
This is not a word to word translation… I have just tried to catch the essence of the ghazal.. a task not easy for me!

The tears which fall from my eyes are worthless, but the tears which I manage to hold back are precious like diamonds.

Although I want to move forward with the World but my feet are sore with the tiresome journey, the people move ahead and I find myself left behind!

This is the last adversity I am facing, things will become easier from hence forth, I try to console myself with these words whenever I am confronted with a new difficulty!

With my tears as fuel to lit the lamps, I try to light the path of the people who are walking through love’s lanes and have forgotten the correct direction to their destination.

I do not want to humiliate myself by showing my grieving heart to the world, so with a smiling face I take whatever pain comes my way.

Though I was destined to face a lot of pain and difficulties in life, Allah gave me the strength to face them bravely, I am thankful to my Creator every moment of my life for bestowing this strength on me!

MERE EHSAAS KO SHEESHA NA BANAAYA HOTA!!

This blog is open to all! Please inbox me (on Facebook) your favourites and I shall keep on updating this blog. Just for the love of Urdu Shairi!!

06-02-2015

Umar-e-rawaan khizaan ki hawa se bhi taiz thi,
Har lamha Barg-e-zard ki soorat bikhar gaya,

Dil mai cheekhte huwe wehmon k bojh se,
Wo khaof tha k raat ko soate mai darr gaya,

Jo baat motbar thi wo sar se guzar gai,
Jo harf sar’sari tha wo dil me utar gaya,

Hum aks-e-khoon-e-dil hi luttatei phirei magar,
Wo shakhs aanso’on ki dhanak mai nikhar gaya,

“Mohsin” ye rang-o-roop ye ronaq baja mgar,
Main zinda kya rahoun ke mera ji tou marr gaya…!

———————————————————————————-

Apnei bhee khafa mujh se haen beigaane bhee nakhush 

Mein zehr- e-halaahal ko kabhee keh naa sakaa qand!

27-04-2014

Yaad rakhna humaari turbat ko

Qarz tum pe hai chaar phhoolon ka!

——————————————————

Hum se taabeer e khwaab poochte ho

Zindigi bhar jo sou nahin paae!

Kyun gilaa hum se ho kisi ko Faraz

Hum tou apne bhee ho nahin paae!!

20-01-2014

Na bhuja chiragh-e-Diyaar-e-dil, Na bicharne ka tu malal kar
Tujhay degi jeene ka hosla, Mere yaad rakh le samhal kar

Ye bhi kya k aik hi shaks ko, kabhi sochna kabhi bhoolna
Jo na bujh sake wo diya jala, Jo na hosake wo kamaal kar

Gham-e-Aarzu mere justuju, main simat k aagaya rubaru
Ye sakoot-e-marg hai kis lye, main jawab don tu sawaal kar

Tu bichar raha hai to soch le, tera sath hai mere zindgai
Tujhay rokna mere maut hai, mere bebasi ka khayal kar

12-08-2013

This is my My Selection of verses from Urdu Shairi… friends can send in their favourites too, I would be delighted to post in this blog!

5-09-2013

InshaaJi utho ab kooch karo
Is shehr se dil ko lagana kya
Wehshi ko sukoon se kya matlab
Jogi ka nagar mein thikaana kya

Is dil ke dureeda daaman mein
Dekho tou sahi samjho tou sahi
Jis jholi mein sou cheid hue
Us jholi ko phelanaana kya!

24-08-2013

Dil hi tou hai na sang o khisht,dard se bhar naa aaye kyun?
Roeinge hum hazaar baar, koi humein rulaaye kyun?

Ghalib e Khasta ke baghair, kon se kaam band hain?
Keigye Haae Haae kyun, roiye Zaar Zaar kyun?
———————————————————-
12-08-2013

Marnei ki duaaen kyun maangoon, jeene ki tamanna kon kare?
Ho ye dunya ya w o dunya ab khwahish e dunya kon kare?

Dunya ne humein chora ae dil, hum chor na dein kyun dunya ko
Dunya ko samajh ke bethe hain, ab dunya dunya kon kare?

Jab kashtee saabit o saalim thee, sahil ki tamanna kis ko thee,
Ab aisee shakista kashtee par, saahil ki tamanna kon kare?

Jo aag lagai thee tum ne, us ko tou bujhaaya ashkon se
Jo ashkon ne bharkaai hai, us aag ko thandaa kon kare?

———————————————————-

10-4-13
Ye charon taraf kaisa dhundhlaya sa manzar hai?
Toofaanon ki aamad hai ya abr e bahaaraan hai?

Mujh ko hi na le doobein ye ashk e rawaan mere
Ehsaas ke darya mein jazbaat ka toofan hai!

21-3-2013

Muthyon mein Khaak le kar dost aaye Waqt e dafan!
Zindigi bhar ki Mohabbat ka Sila dene lage!

19-3-2013

Ae Mere Humnasheen chal kahin aur chal, is chaman mein ab apna guzara nahin
Baat phoolon tak hoti tou seh lete hum, ab tou kaanton pe bhee haq humara nahin!
Jab chaman ko lahu ki zururat pari, sab se pehle hi gardun humari kati,
Phir bhee kehte hain hum se ye ahl e chaman, ye chaman hai humara tumhara nahin!!!

17-3-2013

Rehiye ab aisee jagah chal ke jahan koi na ho
Hum sukhun koi na ho aur humzubaan koi naho
Be dar o deewar sa eik ghar banana chahiye
Koi humsaya na ho aur pasbaan koi na ho
Pariye gar bemaar tou koi na ho teemaardar
Aur agar mar jaaiye tou nauha khwaan koi na ho!!

21-1-13

Kashti bhi Nahin Badli, Daryaa bhi Nahin badla,
Hum Doobne Walon ka Jazba bhi Nahin badla
Hai Shoq-e- Safar Aisa, Ek umer Hoi Humne,
Manzil bhi Nahin Paii, Rusta bhee Nahin Badla!!!

3-1-13

Ashyaan jal gaya gulstan lut gaya
Hum chaman se nikal kar kidhar jaayeinge
Itne maanoss sayyadd se ho gaye
Ab rihaee mili bhee tou mur jaayeinge!

24-12-12

This is my late Ammi’s favourite ghazal! Always reminds me of her and how emotional she got every time my late Mamoo rendered it in his beautiful voice! Perhaps her sensitive heart could never accept the JUDAI of her children!

Ye mausam ye bahar phir aaye na aaye,
Pyey jaaaon khumar phir aaye naa aaye!

Dibo hi kyun na doon mein kashti apni,
Ye toofan baar baar aaye naa aay!

Gulon ke dekh le ji bhar ke bulbul,
Chaman mein phir bahaar aaye na aaye!

Mein apne zabt ka waada tou kar lun
Par dil hai, qaraar aaye naa aaye!!

7-12-12

Ae jazba e dil gar mein chaahoon, har cheez muqaabil aa jaaye
Manzil ke lye do gaam chaloon aur saamne manzil aa jaaye

Ae dil ki lagi chal yuhin sahi, chalta tou hun unki mehfil mein,
Us waqt mujhe chaunka dena, jab rang pe mehfil aa jaaye

Ab kyun dhundhun wo chashm e karam, hone de sitam baalaa e sitam
Ae dil ki khalish mein chaahta hun, mushkil pas e mushkil aa jaaye!

———————————————————-

Ae qabar apni mitti se keh do daag lagne naa paaye kafan par
Aaj hi hum ne badle hain kapre, Aaj hi hum nahaye hue hain!
————————————————————

Kab mera nasheman ahle chaman gulshan mein gawara karte hain
Gunche apni aawaazon mein bijli ko pukara karte hain

Jaati hui mayyat dekh ke bhee lillah tum uth ke aa na sake
Do char qadam to dushman bhee takleef gawara karte hain

Ab mujh pe nazah ka aalam hai tum apni mohabbat wapas lo
Jab kashti doobne lagti hai tou bojh utara karte hain!
———————————————————

In hi Patharon pe chal ke agar aa sako tou aao
Mere ghar ke raaste mein koi kehkashan nahin hai

Meri rooh ki haqeeqat mere ansooun se poocho
Mere qehqahon ki dunya meri tarjuman nahin hai!
————————————————-

Do ansoo bawajood e zabt ke jo aankh se tapke
Qissa e tulaani e ghum ko hum ne mukhtaisr dekha!

————————————————-
Tum takulluf ko bhee Ikhlaas samajhte ho Faraz
Dost hota nahin har hath milaane waala!

——————————————
Barson puraani suni hui ye Ghazal mujhe bhulti hi nahin!
Lajawab aur sache asha’ar!

Ab thakan paaon ki zanjeer bani jaati hai,
Raah ka khauf ye kehta hai ke chalet rehiye!

Zindagi naam hai jeene ki adakaari ka
Roz badle hue maahol mein dhalte rehiye!

Ye tabassum to hai chehre ke sajaane ke lye,
Warna ehsaas wo dozakh hai ke jalte rehiye!

Zindagi bheek bhee deti hai to qeemat le ke,
Roz faryaad ka andaaz badalte rehiye!!!

————————————

Ya Khuda log banaaye thei agar pathar ke,
Mere ehsaas ko shessha na banaya hota!

———————————

Aah ko chahiye eik umr asar hone tak,
Kon jeeta hai teri zulf ke sar hone tak

Hum ne maana ke taghaful na karoge lekin,
Khaak ho jaayeinge hum, tum ko khabar hone tak!
———————————————–

Seemi Naaz says,

Kahoun kis sey mein ke kia hai, shab-e-gham buri bala hai,
Mujhe kya buraa thaa marna agar aik baar hota…..!!!